- Start
- Dafne
Dafne
Angebote / Angebote:
Das starcke Liebes-Gifft / das vnsre hohe Sinnen /
Die von dem Himmel sind / mit seiner Krafft gewinnen
Vnd wann Vernunfft erliegt zu Boden reissen kan /
Sieh' O du Edles Par / auff diesem Schaw-Platz' an.
Sieh' an du freyer Heldt / du Bildnuß aller Tugendt /
Du Preyß der Zeit / vnd du / Sophie / Liecht der Jugendt /
Deß Vatters grosse Lust / der werthen Mutter Zier /
Sieh' an der Liebe Macht von der du für vnd für
Befreyt vnd sicher bist. Wer so wie du sich liebet
Mit vngefärbter Pflicht / wer seine Huld ergiebet
In Vrtheil vnnd Verstandt / ist klüger als der Gott
Der täglich zu vns bringt das schöne Morgenroth.
Ihm machet Dafne selbst von jhren frischen Zweygen
Den Krantz der nicht verwelckt, sein Nachklang wird nicht schweigen
So lange Liebe wehrt. Nim dann in Gnaden an /
Du duppeltes Gestirn / was Dafne geben kan,
Den jmmer-grünen Krantz / vnd dencke daß die Gaben
So Fürsten als wie jhr vollauff zugeben haben
Zwar groß / doch jrrdisch sind: die Flucht der Zeit vertreibt
Das vnsrig' vnd vns auch, was Dafne gibt das bleibt...
Folgt in ca. 10 Arbeitstagen